اردوورلڈ کینیڈا( ویب نیوز)پاکستانی سپر اسٹار اور پروڈیوسر ہمایوں سعید نے اپنی حالیہ فلم لو گرو کی باکس آفس پر کامیابی کے بعد عوام کے لیے ٹکٹوں کی قیمتوں میں کمی کا اشارہ دیا ہے۔

ہمایوں سعید نے سینئر اداکار مصطفیٰ قریشی اور کراچی پریس کلب کے صدر فاضل جمیلی کے ساتھ میڈیا سے بات کی۔
مایوں سعید نے فلم انڈسٹری کو درپیش مسائل، محدود سنیما اسکرینوں اور مہنگے ٹکٹوں کی وجہ سے عوام کی رسائی میں حائل رکاوٹوں پر گفتگو کرتے ہوئے کہا کہ پاکستان میں فلمیں بنانا ایک چیلنج ہے کیونکہ سرمایہ کاری زیادہ ہے اور منافع غیر یقینی ہے۔
انہوں نے کہا کہ وہ لو گرو کے ابتدائی دنوں میں بے چین تھے جس کی وجہ سے وہ اپنے گھر تک محدود رہے۔. تاہم فلم کی کامیابی نے انہیں عوام میں سامنے آنے کا اعتماد دیا۔
ایک سوال کے جواب میں انہوں نے کہا کہ اگر فلم کا باکس آفس پر کاروبار اس طرح جاری رہا تو وہ اپنے عام مداحوں کو آدھی قیمت پر ٹکٹ فراہم کرنے کا ارادہ رکھتے ہیں تاکہ زیادہ سے زیادہ لوگ سینما جا سکیں۔