سعودی عرب میں90 سالہ شخص نے 5ویں شادی کر لی،کنواروں کو اہم مشورہ دے دیا

اردوورلڈ کینیڈا ( ویب نیوز )سعودی عرب میں ایک 90 سالہ شخص نے 5ویں شادی کر لی اور نہ صرف 5 بار شادی کرنے کی وجہ بتا دی بلکہ دلہنوں کو نصیحتیں بھی کر دیں۔
عرب میڈیا کے مطابق سعودی بزرگ کے پوتے نے اپنے دادا ناصر بن دحیم کی ویڈیو سوشل میڈیا پر پوسٹ کی تھی اور انہیں ان کی پانچویں شادی پر مبارکباد دی تھی یہ ویڈیو وائرل ہوگئی۔

سعودی دادا کی مقبولیت کا ڈنکا بج گیا اور انہیں العربیہ نیوز کے مارننگ شو میں مدعو کیا گیا جہاں انہوں نے کہا کہ میں نے سنت کے مطابق شادی کی۔ شادی مذہب، شوہر اور بیوی کی حفاظت کرتی ہے۔
العربیہ نیوز کے اینکر نے سوال کیا کہ نوجوان ان دنوں شادی سے خوفزدہ ہیں، تو اس عمر میں شادی کا سوچنے پر آپ کو کس چیز نے مجبور کیا؟
جس پر 90 سالہ ناصر بن دحیم نے ہنستے ہوئے جواب دیا کہ میں شادی سے انکاری نوجوانوں کو نصیحت کروں گا کہ اگر آپ دین اور دنیا کی حفاظت چاہتے ہیں تو شادی کر لیں۔

ہمیں فالو کریں

[uw_related_posts]