اردوورلڈ کینیڈا( ویب نیوز)خیبرپختونخوا کے مشیر اطلاعات بیرسٹر ڈاکٹر سیف نے کہا ہے کہ پی ٹی آئی پر پابندی لیگی رہنماؤں کا صرف ایک خواب تھا۔
اپنے ایک بیان میں بیرسٹر سیف نے کہا کہ مینڈیٹ چور مسلم لیگ ن عمران خان سے ڈرتی ہے، ان کے بیان سے مینڈیٹ چور بھاگتے ہیں مینڈیٹ چور شریف خاندان لندن بھاگنے والوں میں شامل ہے۔
انہوں نے کہا کہ پی ٹی آئی پر پابندی لیگی رہنماؤں کا صرف خواب ہے، عمران خان اور پی ٹی آئی کے خلاف جعلی حکومت کی تمام سازشیں ناکام ہو چکی ہیں۔
پی ٹی آئی رہنما کا کہنا تھا کہ عمران خان، پی ٹی آئی کے رہنما اور کارکن ملک میں آئین اور قانون کی بالادستی کی جنگ لڑ رہے ہیں، فارم 47 کی جعلی حکومت شکست تسلیم کرتے ہوئے قوم سے معافی مانگے اور فوری استعفیٰ دے، بصورت دیگر آخری نتیجہ بہت ناخوشگوار ہو گا۔
بیرسٹر سیف نے مزید کہا کہ ملکی ترقی کا واحد حل جعلی فارم 47 حکومت کا خاتمہ اور نئے شفاف انتخابات ہیں۔