اردو ورلڈ کینیڈا ( ویب نیوز ) وفاقی وزیر خزانہ اسحاق ڈار نے کہا ہے کہ چائنہ ڈویلپمنٹ بینک نے پاکستان کے لیے 700 ملین ڈالر کی منظوری دے دی ہے۔
وزیر خزانہ اسحاق ڈار نے ایک ٹوئٹ میں کہا کہ چائنہ ڈویلپمنٹ بینک نے پاکستان کو 700 ملین ڈالر فراہم کرنے کے لیے معمول کے تمام طریقہ کار مکمل کر لیے ہیں۔ اس ہفتے چین سے رقم ملنے کی امید ہے۔
Formalities completed and Board of China Development Bank has approved the facility of US $ 700 million for Pakistan. This amount is expected to be received this week by State Bank of Pakistan which will shore up its forex reserves!
— Ishaq Dar (@MIshaqDar50) February 22, 2023
اسحاق ڈار نے کہا کہ اسٹیٹ بینک کو رواں ہفتے 700 ملین ڈالر ملنے کی توقع ہے جس کے بعد بینک کے زرمبادلہ کے ذخائر میں اضافہ ہوگا۔
پاکستان اور چائنہ ڈویلپمنٹ بینک کے درمیان معاہدے کو گزشتہ ہفتے حتمی شکل دی گئی۔ یہ پیشرفت مزید 300 ملین ڈالر کے چینی تجارتی قرض کی ادائیگی کی تاریخ سے کچھ دن پہلے ہوئی ہے۔
