90
اردو ورلڈ کینیڈا ( ویب نیوز )تاجروں سے بجلی کے بلوں سمیت ٹیکس کی وصولی ختم کرنے کا فیصلہ کیا گیا ہے۔
ذرائع کے مطابق تاجروں کے بجلی کے بلوں سمیت ٹیکس وصولی ختم کرنے کا فیصلہ ن لیگ کی اعلی قیادت کی ہدایت پر کیا گیا ہے۔
ذرائع کا کہنا ہے کہ بجلی کے بلوں کے ساتھ ٹیکس وصول کرکے سالانہ 30 ارب روپے کا ٹیکس حاصل کرنا تھا تاہم اب دیگر شعبوں پر مزید ٹیکس لگا کر 30 ارب روپے کے اضافی ٹیکس کو پورا کرنے کا فیصلہ کیا گیا ہے۔
ایف بی آر ذرائع کا کہنا ہے کہ دیگر شعبوں پر ٹیکس صدارتی آرڈیننس کے ذریعے لگایا جائے گا۔
واضح رہے کہ بجلی کے بلوں کے ذریعے 6 ہزار روپے ٹیکس وصولی کے خلاف تاجروں نے شدید احتجاج کیا تھا جس کے بعد مسلم لیگ (ن) کی نائب صدر مریم نواز نے بھی وزیر خزانہ مفتاح اسماعیل سے ٹیکس واپس لینے کی اپیل کی تھی۔
