اردو ورلڈ کینیڈا ( ویب نیوز)آرمی چیف جنرل عاصم منیر نے ریاض میں سعودی وزیر دفاع شہزادہ خالد بن سلمان سے اہم ملاقات کی

ریاض میں ہونے والی ملاقات میں فوجی اور دفاعی تعاون بڑھانے پر اتفاق کیا گیا ہے۔

ملاقات میں علاقائی اور بین الاقوامی امور پر بھی تبادلہ خیال کیا گیا۔ اس دوران سعودی وزیر دفاع نے دوطرفہ تعلقات کو مضبوط بنانے پر زور دیا، شہزادہ خالد بن سلمان نے بھی جنرل عاصم منیر کو آرمی چیف بننے پر مبارکباد دی۔

آئی ایس پی آر کی جانب سے جاری بیان کے مطابق آرمی چیف جنرل عاصم منیر 4 سے 10 جنوری تک سعودی عرب اور متحدہ عرب امارات کے سرکاری دورے پر ہیں۔

ترجمان کے مطابق آرمی چیف جنرل عاصم منیر دونوں برادر ممالک کی اعلیٰ قیادت سے ملاقاتیں کریں گے۔

Pleased to meet H.E General Asim Munir, Pakistan’s Chief of Army Staff. We emphasized the strategic partnership between our brotherly countries, reviewed the bilateral military and defense relations, and discussed ways of strengthening our cooperation. pic.twitter.com/HAtcNKX6O3

— Khalid bin Salman خالد بن سلمان (@kbsalsaud) January 4, 2023

ملاقاتوں میں باہمی دلچسپی، فوجی تعاون اور تعلقات پر توجہ مرکوز کی جائے گی، دوروں کے دوران قومی سلامتی کے امور پر تبادلہ خیال کیا جائے گا۔

ملاقات میں سفیر پاکستان عامر خرم راٹھور اور چیف آف اسٹاف میجر جنرل محمد عرفان اور ملٹری اتاشی بریگیڈیئر محمد عاصم نے شرکت کی۔

سمو وزير الدفاع يلتقي رئيس أركان الجيش الباكستاني.https://t.co/9z16Pp7cT4#واس_عام pic.twitter.com/aBF261JnNK

— واس العام (@SPAregions) January 4, 2023

ملاقات میں سعودی چیف آف اسٹاف لیفٹیننٹ جنرل فیاض الروالی اور دیگر اعلیٰ حکام بھی موجود تھے۔

یہاں یہ امر بھی قابل ذکر ہے کہ آرمی چیف کا عہدہ سنبھالنے کے بعد جنرل عاصم منیر کا یہ پہلا سرکاری بین الاقوامی دورہ ہے۔