اردو ورلڈ کینیڈا ( ویب نیوز )کراچی میں کھیلے گئے میچ میں اسلام آباد یونائیٹڈ نے ٹاس جیت کر پہلے فیلڈنگ کا فیصلہ کیا اور کراچی کنگز کو بیٹنگ کی دعوت دی۔ کراچی کنگز نے مقررہ 20 اوورز میں 6 وکٹوں کے نقصان پر 150 رنز بنائے۔
کراچی کی جانب سے ریزاہینڈرکس 51 رنز کے ساتھ نمایاں رہے، جبکہ جیسن روئے نے 39 اور اعظم خان نے 34 رنز کی اننگز کھیلی۔
ہدف کے تعاقب میں اسلام آباد یونائیٹڈ نے عمدہ بیٹنگ کا مظاہرہ کرتے ہوئے 151 رنز کا ہدف محض 16 اوورز میں 2 وکٹوں کے نقصان پر حاصل کر لیا۔ سمیر منہاس نے 58 رنز کی شاندار اننگز کھیلی، جبکہ ڈیون کونوے نے 53 رنز بنا کر ناقابل شکست رہے۔
کپتان شاداب خان نے بھی 31 رنز کی ناقابل شکست اننگز کھیل کر ٹیم کی فتح میں اہم کردار ادا کیا۔اس کامیابی کے بعد اسلام آباد یونائیٹڈ 9 پوائنٹس کے ساتھ پوائنٹس ٹیبل پر دوسرے نمبر پر پہنچ گئی ہے، جبکہ پشاور زلمی 13 پوائنٹس کے ساتھ بدستور پہلی پوزیشن پر براجمان ہے۔ دوسری جانب کراچی کنگز 6 پوائنٹس کے ساتھ پانچویں نمبر پر موجود ہے۔
