مذاکرات ایک ڈھونگ ہے،الیکشن ہونگے، آئین جیتے گا، شیخ رشید

اردو ورلڈ کینیڈا ( ویب نیوز )عوامی مسلم لیگ کے سربراہ شیخ رشید احمد نے کہا ہے کہ مذاکرات ایک ڈھونگ ہے، مذاکرات سے وقت چاہیے، عید کی چھٹیاں بھی 5 دن دی گئیں، پی ڈی ایم کی سیاسی موت لکھی جاچکی

سابق وزیر داخلہ شیخ رشید نے اپنے ویڈیو بیان میں کہا ہے کہ آج 13 جماعتوں کے اجلاس میں بلی تھیلے سے باہر آگئی ہے، ان میں ایسی جماعتیں بھی ہیں جنہوں نے کبھی اسمبلی کا منہ نہیں دیکھا

 

عوامی مسلم لیگ کے سربراہ نے کہا کہ مسئلہ قانون اور آئین کا ہے، جسے عدلیہ برقرار رکھے گی، عدلیہ قانون کے ماتحت ہے، آئین اور پاکستان کے تمام ادارے عدلیہ کے ماتحت ہیں۔ آگے نہیں جا سکتے، کوئی پاکستانی وکیل آکر ٹی وی پر بتائے کہ کوئی قانون ہے جس کے تحت انتخابات 90 دن سے آگے جاسکتے ہیں۔

سابق وزیر داخلہ شیخ رشید احمد نے مزید کہا ہے کہ ان کے پاس امیدوار نہیں، وہ بھاگ گئے، عمران خان کی مقبولیت میں اضافہ ہوا، عمران خان نے اپنے امیدواروں کی فہرست مکمل کر لی اور ان کے پاس لوگ نہیں، الیکشن ہوں گے، عدلیہ جیتے گی، آئین جیتے گا اور قانون جیتے گا۔

ہمیں فالو کریں

[uw_related_posts]