پاکستانی ریسکیو اہلکار ترکی میں لوگوں کی جانیں بچانے میں کلیدی کردار ادا کر رہے ہیں،شہباز شریف

اردوورلڈ کینیڈا ( ویب نیوز )وزیر اعظم پاکستان شہباز شریف نے زلزلہ متاثرین کے لیے قائم کیے گئے فنڈ کو شام کے ساتھ ساتھ ترکی میں بھی متاثرین کی مدد کے لیے استعمال کرنے کی ہدایت کی۔

وزیراعظم شہباز شریف نے کہا ہے کہ پاکستان نہ صرف ترکی اور شام کو امدادی سامان بھیج رہا ہے بلکہ اس کی ترسیل پر اٹھنے والے تمام اخراجات بھی برداشت کرے گا۔
وزیراعظم نے این ڈی ایم اے کو ہدایت کی ہے کہ وہ ترک اور شامی متاثرین کی ضروریات کو مدنظر رکھتے ہوئے امدادی سامان خریدے۔
وزیراعظم شہباز شریف نے کہا کہ پاکستان زلزلے سے متاثرہ ترک اور شامی بہن بھائیوں کی ہر ممکن مدد کرے گا۔
وزیراعظم نے کہا کہ پاکستانی ریسکیو اہلکار ترکی میں لوگوں کی جانیں بچانے میں کلیدی کردار ادا کر رہے ہیں، پاکستان ترکی اور شام میں مصیبت زدہ بہن بھائیوں کی مدد جاری رکھے گا۔
وزیراعظم نے تعلیمی اداروں کو ہدایت کی کہ وہ فنڈ ریزنگ مہم چلائیں اور وزارت مذہبی امور زلزلہ زدگان کی امداد کے لیے علمائے کرام کو اعتماد میں لیں اور مذہبی اداروں میں آگاہی پھیلائیں۔
وزیراعظم نے کہا کہ ترکی اور شام کے زلزلہ متاثرین کی مدد میں شامل تمام وزرا، اداروں اور حکام کی کاوشیں قابل تحسین ہیں۔

ہمیں فالو کریں

[uw_related_posts]