اردوورلڈ کینیڈا ( ویب نیوز)عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ 16 ماہ تک میلہ لگانے اور کپڑے بیچ کر ریلیف دینے والے لندن بھاگ گئے ہیں۔
سوشل میڈیا ویب سائٹ ایکس (ٹوئٹر) پر اپنے بیان میں شیخ رشید کا کہنا تھا کہ بڑے لوگ بجلی چوری کرتے ہیں اور غریبوں کے بلوں پر بوجھ ڈال دیا جاتا ہے، اگلے ماہ پیٹرول اور بجلی کا بل آگ پر ایندھن ڈالے گا۔ انتخابات وقت پر ہوں گے یا نہیں اس سے زیادہ اہم اور سنگین مسئلہ عوام کے اگلے ماہ کے پٹرول اور بجلی کے بلوں کی ادائیگی ہے۔
بڑے لوگ بجلی چوری کرتے ہیں اور بوجھ سارا غریبوں کے بلوں پر ڈال دیا جاتا ہےاگلے مہینے پیٹرول اور بجلی کا بل آگ پر پیٹرول ڈالے گاالیکشن وقت پر ہونگے یا نہیں اس سے زیادہ اہم اور سنگین مسئلہ اگلے مہینےلوگوں کے لئے پیٹرول اور بجلی کا بل ادا کرنا ہےلوگ بغیر کسی لیڈر اور بغیر کسی جماعت…
— Sheikh Rashid Ahmed (@ShkhRasheed) August 27, 2023
سابق وفاقی وزیر نے کہا کہ عوام بغیر کسی رہنما اور پارٹی کے سڑکوں پر آگئے ہیں اور ستمبر کا مہینہ ستم ظریفی ثابت ہوسکتا ہے۔ 16 ماہ سے موج میلہ کروا کر کپڑے بیچ کر عوام کو ریلیف دینے والے لندن بھاگ گئے ہیں
انہوں نے کہا کہ عوام کا نام ریاست ہے، عوام سول نافرمانی کی طرف بڑھ رہے ہیں، بجلی کا بل دگنا ہوگیا ہے اور آئندہ ماہ مسئلہ سنگین ہوسکتا ہے، عوام کا ردعمل فطری ہے سیاسی نہیں کیونکہ ان کے پاس وسائل نہیں کہ وہ آٹا خریدیں، بجلی کا بل ادا کریں، مکان کا کرایہ دیں اور بچوں کی فیس ادا کریں۔
عوامی مسلم لیگ کے سربراہ کا مزید کہنا تھا کہ کے الیکٹرک کی تمام کمپنیوں نے خوف کے مارے اپنی گاڑیوں کی نمبر پلیٹیں بھی اتار دی ہیں، فائلرز اور نان فائلرز میں کوئی فرق نہیں، دونوں کو کسی نہ کسی طریقے سے ٹیکس دینا پڑتا ہے
