اردو ورلڈ کینیڈا ( ویب نیوز)پاکستان تحریک انصاف کے چیئرمین اور سابق وزیراعظم عمران خان نے عوامی مسلم لیگ کے سربراہ اور سابق وفاقی وزیر شیخ رشید احمد کی گرفتاری کی مذمت کی ہے۔

سماجی رابطے کی ویب سائٹ ٹوئٹر پر اپنے ایک پیغام میں چیئرمین پی ٹی آئی نے کہا کہ ہم شیخ رشید کی گرفتاری کی شدید مذمت کرتے ہیں، ہماری تاریخ میں کبھی بھی الیکشن کمیشن آف پاکستان کی جانب سے ایسا جانبدارانہ اقدام نہیں اٹھایا گیااور نہ ایسے انتقامی نگران حکومت آئی

Strongly condemn arrest of Sh Rasheed.Never in our history have we had such a biased, vindictive Caretaker govt appt by totally discredited ECP. Question is can Pak afford a street movement which we are being pushed towards at a time when we have been bankrupted by Imported Govt?

— Imran Khan (@ImranKhanPTI) February 1, 2023

سابق وزیراعظم نے کہا کہ سوال یہ ہے کہ کیا پاکستان سڑکوں پر چلنے والی اس تحریک کا متحمل ہو سکتا ہے جس کی طرف ہمیں ایسے وقت میں دھکیلا جا رہا ہے جب ہمیں امپورٹیڈ حکومت نے دیوالیہ کردیا ہے

واضح رہے کہ عوامی مسلم لیگ (اے ایم ایل) کے سربراہ اور سابق وفاقی وزیر شیخ رشید احمد کو گرفتار کیا گیا تھا جس کی تصدیق ان کے بھتیجے اور پاکستان تحریک انصاف (پی ٹی آئی) کے سابق رکن قومی اسمبلی راشد شفیق نے کی تھی