چیف سلیکٹر انضمام الحق کا کہنا ہے کہ محمد عامر سمیت کسی کھلاڑی کے لیے کرکٹ کے دروازے بند نہیں ہوئے، عامر بہت اچھے باؤلر رہے ہیں، وہ ریٹائر ہو چکے تھے، اگر وہ پاکستان کے لیے کھیلنا چاہتے ہیں تو ان سمیت تمام کھلاڑیوں کے لیے دروازے کھلے ہیں، وہ فرسٹ کلاس میچ کھیلتے ہیں اور پرفارم کرتے ہیں، ان کے بارے میں ضرور سوچا جائے گا۔

یہ بھی پڑھیں

ورلڈ کپ کے لیے 18 رکنی قومی سکواڈ کا اعلان ، شاداب نائب کپتان برقرار

انہوں نے کہا کہ پاکستان کرکٹ بورڈ اور سلیکشن کمیٹی کبھی کسی پر دروازے بند نہیں کرتی، سرفراز احمد، شان مسعود اور عماد وسیم بھی اپنی پرفارمنس کی بنیاد پر قومی ٹیم میں واپس آسکتے ہیں۔انضمام الحق کا کہنا تھا کہ یہ ہر کھلاڑی کا اپنا فیصلہ ہے کہ وہ پاکستان کے لیے کھیلنا چاہتا ہے یا نہیں، کسی کو سفید یا سرخ گیند کی کرکٹ کھیلنی چاہیے تو یہ اس کی صوابدید ہے۔