الیکشن کمیشن نے ابتدائی حلقہ بندیوں کی فہرست جاری کر دی ، قومی اسمبلی کی نشستیں کم، 266 رہ گئیں

نئی حلقہ بندیوں کے بعد قومی اسمبلی کی جنرل نشستوں کی تعداد 272 سے کم ہو کر 266 ہو گئی جب کہ خیبرپختونخوا کے ملحقہ اضلاع کی نشستیں 10 سے کم ہو کر چار ہو گئیں۔کراچی کے ضلع جنوبی میں ایک نشست کا اضافہ ہوا ہے جبکہ سانگھڑ کی قومی اسمبلی کی نشستیں تین سے کم ہو کر دو رہ گئی ہیں۔

یہ بھی پڑھیں

الیکشن کمیشن نے انتخابی قواعد کی 18 شقوں میں تبدیلی کی منظوری دے دی

سندھ کی صوبائی اسمبلی کی نشستوں میں بھی تبدیلی کی گئی جس کے مطابق کراچی ایسٹ، سینٹرل اور ملیر کی ایک ایک نشست بڑھی جبکہ خیرپور سانگھڑ اور ٹھٹھہ کی ایک ایک نشست کم ہوئی۔پنجاب کے ضلع بھکر میں ایک صوبائی نشست بڑھائی گئی، جب کہ پختونخوا میں پشاور اور ہنگو کی ایک ایک نشست ختم کر دی گئی اور چترال اور باجوڑ کی ایک ایک نشست کا اضافہ کیا گیا۔

الیکشن کمیشن کی جانب سے جاری حلقہ بندیوں پر تجاویز اور اعتراضات 28 ستمبر سے 27 اکتوبر تک دائر کیے جاسکتے ہیں جن کا فیصلہ 26 نومبر تک کیا جائے گا اور پھر 30 نومبر کو حلقہ بندیوں کی حتمی فہرست جاری کی جائے گی۔الیکشن کمیشن کے مطابق حلقوں میں قومی اور صوبائی اسمبلیوں کی موجودہ نشستیں برقرار رہیں گی۔فہرست کے مطابق قومی اسمبلی کی 266، پنجاب اسمبلی کی 297، سندھ اسمبلی کی 130، بلوچستان اسمبلی کی 51 اور خیبرپختونخوا اسمبلی کی 115 نشستوں کی حد بندی کی گئی ہے۔

امیگریشن سے متعلق سوالات کے لیے ہم سے رابطہ کریں۔

کینیڈا کا امیگریشن ویزا، ورک پرمٹ، وزیٹر ویزا، بزنس، امیگریشن، سٹوڈنٹ ویزا، صوبائی نامزدگی  .پروگرام،  زوجیت ویزا  وغیرہ

نوٹ:
ہم امیگریشن کنسلٹنٹ نہیں ہیں اور نہ ہی ایجنٹ، ہم آپ کو RCIC امیگریشن کنسلٹنٹس اور امیگریشن وکلاء کی طرف سے فراہم کردہ معلومات فراہم کریں گے۔

ہمیں Urduworldcanada@gmail.com پر میل بھیجیں۔

    Jobs Hiring

    ویب سائٹ پر اشتہار کے لیے ہم سے رابطہ کریں۔

    اشتہارات اور خبروں کیلئے اردو ورلڈ کینیڈا سے رابطہ کریں     923455060897+  یا اس ایڈریس پرمیل کریں
     urduworldcanada@gmail.com

    رازداری کی پالیسی

    اردو ورلڈ کینیڈا کے تمام جملہ حقوق محفوظ ہیں۔ ︳    2024 @ urduworld.ca