اردوورلڈ کینیڈا ( ویب نیوز)عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ سولہ ماہ کی یہ اسمبلی پاکستان کی سیاسی زندگی میں غریبوں کی بدترین دشمن، جمہوریت دشمن اور عوام دشمن اسمبلی کے طور پر یاد رکھی جائے گی۔
سماجی رابطے کی ویب سائٹ ایکس (ٹوئٹر) پر اپنے پیغام میں شیخ رشید کا کہنا تھا کہ قوم کو 16 ماہ کی غریب دشمن حکومت کے سیاہ دور سے اللہ نے نجات دلائی
اللہ اللہ کرکے سولہ ماہ کی غریب دشمن حکومت کے سیاہ دور سے قوم کو نجات نصیب ہوئی اور آج سندھ ہاوس میں ممبروں کی خریدو فروخت سے بننے والی سازشی اسمبلی تحلیل ہوگئی جنہوں نےصرف اپنے کیسز ختم کرائےجس دن فرد جرم لگنی تھی اُسی دن وزیراعظم بن گئے تقریروں تصویروں اور تعریفوں کےعلاوہ…
— Sheikh Rashid Ahmed (@ShkhRasheed) August 10, 2023
سابق وفاقی وزیر نے شہباز شریف کا نام لیے بغیر ان پر تنقید کرتے ہوئے کہا کہ جس دن فرد جرم عائد ہونا تھی اسی دن وزیراعظم بن گئے۔ کیا، نگراں وزیر اعظم کا نام تاحال سامنے نہیں آ سکا۔
انہوں نے کہا کہ انہوں نے ایک دن میں 121 بل پاس کیے، اسمبلی کو بلوں کی فیکٹری میں تبدیل کیا اور بے گناہ مزدوروں سے جیلیں بھر دیں، عوام پر بجلی اور آٹے کی مہنگائی کے بم گرائے، سیفر کا مذاق بنایا اور آج بھی دنیا نے اسے حقیقت تسلیم کر لیا، آج امریکی ترجمان بھی سائفر دستاویزات پر بات کرنے کو تیار نہیں۔
عوامی مسلم لیگ کے سربراہ کا مزید کہنا تھا کہ وہ اپنے کپڑے بیچ کر غربت اور مہنگائی ختم کرنے آئے تھے، انہوں نے غریبوں کے کپڑے بھی اتارے، گزشتہ ہفتے انہوں نے نہ صرف قانون کو لوٹا بلکہ اپنے سیاسی مخالفین کو بھی جیلوں میں ڈالا۔ .
