اردو ورلڈ کینیڈا ( ویب نیوز )برطانیہ کے رکنِ پارلیمنٹ اور لبرل ڈیموکریٹس کے سربراہ سر ایڈورڈ ڈیوی نے سابق امریکی صدر ڈونلڈ ٹرمپ پر سخت تنقید کرتے ہوئے انہیں بدکردار اور بدعنوان قرار دیا ہے۔

پارلیمنٹ میں خطاب کرتے ہوئے سر ایڈورڈ ڈیوی نے کہا کہ انہوں نے کبھی یہ نہیں سوچا تھا کہ کسی امریکی صدر کی جانب سے ایسی باتیں سننے کو ملیں گی جن سے ایک پوری تہذیب کو خطرہ لاحق ہو سکتا ہے۔انہوں نے کہا کہ ٹرمپ غیر سنجیدہ اور ناعاقبت اندیش شخصیت کے حامل ہیں اور وہ بین الاقوامی قوانین کی پابندی نہیں کرتے۔ ان کے مطابق ٹرمپ نہ تو برطانیہ کے دوست ہیں اور نہ ہی آزاد دنیا کے رہنما کہلانے کے مستحق ہیں۔
سر ایڈورڈ ڈیوی نے مزید کہا کہ ٹرمپ درحقیقت ایک خطرناک اور بدعنوان شخص ہیں اور ان کے ساتھ اسی نوعیت کا سخت رویہ اختیار کیا جانا چاہیے۔انہوں نے اس موقع پر برطانوی بادشاہ چارلس سوم کے مجوزہ دورۂ امریکا کو منسوخ کرنے کا بھی مطالبہ کیا۔