ishtiaq ahmed 
اردو ورلڈ کینیڈا ( ویب نیوز )آرمی چیف کی تقرری میرا ایشو نہیں رہا، مذاکرات کے دروازے کھلے ہیں: پی ٹی آئی چیئرمین اور سابق وزیراعظم عمران خان نے کہا ہے کہ ہمارے دروازے مذاکرات کے لیے کھلے ہیں، آرمی چیف کی تقرری کبھی میرا ایشو نہیں رہا۔
سینئر صحافیوں سے غیر رسمی گفتگو میں سابق وزیراعظم کا کہنا تھا کہ الیکشن کے حوالے سے ہر کسی سے بات کرنے کو تیار ہوں، جو بھی بات کرنا چاہتا ہے، پی ٹی آئی کے دروازے کھلے ہیں، بات صرف الیکشن پر ہوگی جومسلط کئے گئے مجھے ڈر ہے کہ وہ ملک کا کیا کریں گے۔
انہوں نے کہا کہ انہیں اپنی نہیں ملک کی فکر ہے۔ انہوں نے کہا کہ وہ آج عوام کو درپیش مسائل کے لیے آواز اٹھا رہے ہیں۔
عمران خان نے کہا کہ میں اپنی فوج کو کبھی کمزور نہیں دیکھ سکتا، آرمی چیف کی تقرری کبھی میرا مسئلہ نہیں رہا، سرحدوں پر ڈیوٹی پر مامور جوان میرے بچوں کی طرح ہیں، معیشت اور ملک کے ہر بحران کا بہترین حل انتخابات ہیں۔
