ishtiaq ahmed 
اردو ورلڈ کینیڈا ( ویب نیوز )پاکستان اور آئی ایم ایف کے درمیان اب مذاکرات بجٹ کی منظوری کے بعد ہوں گے جس میں قرض کے معاہدے پر دستخط ہوں گے۔
وزارت خزانہ کے ذرائع کا کہنا ہے کہ بجٹ کی منظوری کے بعد آئی ایم ایف اور پاکستانی حکام کے درمیان مذاکرات 28 جون کو ہوں گے جس میں قرض کے معاہدے پر دستخط ہوں گے، جس پر وزیر خزانہ، گورنر اسٹیٹ بینک دستخط کریں گے
ذرائع کے مطابق پاکستان نے قرضہ پروگرام کو 6 ارب ڈالر سے بڑھا کر 8 ارب ڈالر کرنے کی درخواست کی ہے اور آئی ایم ایف سے قرض کی مدت میں ایک سال کی توسیع کا بھی کہا ہے۔ پاکستان چاہتا ہے کہ یہ پروگرام 2023 کے بجائے 2024 تک چلے۔
ذرائع کا کہنا ہے کہ آئندہ مالی سال کا بجٹ 10 ہزار ارب روپے کے لگ بھگ ہوگا، یکم جولائی سے پیٹرولیم مصنوعات پر 11 فیصد سیلز ٹیکس عائد کیا جائے گا اور پیٹرولیم مصنوعات پر 50 روپے فی لیٹر لیوی لگانے کا فیصلہ کیا گیا ہے۔
