Irfan 
سلمان خان کے والد سلیم خان کو بیٹے کو جان سے مارنے کی دھمکی والا خط موصول ہوا ہے جس کے بعد اداکار کی سیکیورٹی مزید سخت کردی گئی ہے۔
بھارتی میڈیا رپورٹس کے مطابق بھارتی گلوکار اور سیاستدان سادھو موسی والا کے قتل کے چند روز بعد بالی ووڈ سپر اسٹار سلمان خان کے والد سلیم خان کو دھمکی آمیز خط موصول ہوا ہے۔
یہ خط سلمان خان کے والد سلیم خان کے گارڈز کو ممبئی کی اس ساحلی پٹی کے قریب ایک پارک کے بنچ سے ملا جہاں باپ بیٹا صبح کی سیر کے بعد کچھ دیر بیٹھتے ہیں۔
بھارتی میڈیا کے مطابق خط میں واضح طور پر سلمان خان کو جان سے مارنے کی دھمکی دی گئی تھی، جس میں کہا گیا تھا کہ ’آپ کے ساتھ بھی موسی والا جیسا سلوک کیا جائے گا۔ افراد کے خلاف مقدمہ درج کر لیا گیا ہے۔
خیال رہے کہ لارنس بشنوئی نے چند سال قبل سلمان خان کو جان سے مارنے کی دھمکی دی تھی جس کے بعد حال ہی میں انہوں نے اداکار کو ایک بار پھر راجستھان میں قتل کرنے کی دھمکی دی تھی جہاں وہ کالے ہرن کے شکار کیس کے سلسلے میں عدالت میں پیش ہوں گے۔ جیو
