اردو ورلڈ کینیڈا ( ویب نیوز )وفاقی وزیر قانون نذیر تارڑ نے کہا ہے کہ نواز شریف کی راہداری ضمانت نہ ہوئی تو انہیں گرفتار کیا جا سکتا ہے۔

پریس کانفرنس کرتے ہوئے سینیٹر اعظم نذیر تارڑ نے کہا کہ نواز شریف کو حفاظتی ضمانت مل گئی تو وطن واپسی پر انہیں گرفتار نہیں کیا جائے گا۔

انہوں نے کہا کہ بے نظیر بھٹو کو بھی حفاظتی ضمانت دی گئی تھی۔
اعظم نذیر تارڑ نے کہا کہ سپریم کورٹ پرویز مشرف کا کیس ٹھیک کر کے جلد سماعت کرے۔

انہوں نے کہا کہ پرویز مشرف کیس کی جلد سماعت کی درخواست کا معاملہ کابینہ میں آسکتا ہے۔ مشرف نے اپیل کی ہے تو جلد فیصلہ کیا جائے۔

وزیر قانون نے کہا کہ نواز شریف کو سفری ضمانت نہ ملی تو ہتھیار ڈالنا ہوں گے۔ اگر کوئی قانون کے سامنے سرنڈر کرنا چاہتا ہے تو عدالت راستہ دے ۔