ishtiaq ahmed 
495
برطانوی اخبار نے اپنی رپورٹ میں انکشاف کیا ہے کہ روسی صدر پیوٹن کے غیر ملکی دوروں کے دوران ان کے ٹوائلٹ میں خارج ہونے والا فضلہ ایک سوٹ کیس میں محفوظ کیا جاتا ہے تاکہ ان کی صحت کے بارے میں کوئی اندازہ نہ لگایا جا سکے۔
رپورٹ کے مطابق روسی صدر پیوٹن کے خصوصی گارڈز کو ان خدمات کی انجام دہی پر مامور کیا گیا ہے اور فیڈرل گارڈ سروس کا معاون خصوصی اس سوٹ کیس کو سنبھالتا ہے اور یہ سوٹ کیس واپس روس لے جایا جاتا ہے۔
روسی صدر ولادیمیر پوتن نے خدشہ ظاہر کیا ہے کہ ان کی صحت کے بارے میں کوئی بھی معلومات غیر ملکی انٹیلی جنس سروسز کے ہاتھ لگ سکتی ہیں۔
برطانوی میڈیا کے مطابق روسی صدر پیوٹن میں کینسر کی تشخیص ہوئی ہے جب کہ روسی حکام نے پیوٹن کی بیماری کی تمام خبروں کی تردید کی ہے۔
