ishtiaq ahmed 
اردو ورلڈ کینیڈا ( ویب نیوز )کاؤنٹر ٹیررازم ڈیپارٹمنٹ (سی ٹی ڈی) نے عمران خان کے قتل کے حوالے سے تھریٹ الرٹ جاری کرتے ہوئے کہا ہے کہ دہشت گردوں نے ایک افغان قاتل کی خدمات حاصل کی ہیں جو ممکنہ حملہ کر سکتا ہے۔
تفصیلات کے مطابق سی ٹی ڈی خیبرپختونخوا نے تھریٹ الرٹ جاری کرتے ہوئے کہا ہے کہ دہشت گرد سابق وزیراعظم عمران خان کو قتل کرنے کا منصوبہ بنا رہے ہیں۔
ذرائع نے نجی ٹی وی بتایا کہ دہشت گردوں نے ایک افغان قاتل کی خدمات حاصل کی تھیں جو ممکنہ حملہ کر سکتا تھا۔
حالیہ دنوں میں، پی ٹی آئی رہنماؤں نے خدشات کا اظہار کیا ہے کہ سابق وزیر اعظم کے قتل کے لیے ایک ٹارگٹ کلر کی خدمات حاصل کی گئی ہیں۔
مذکورہ تھریٹ الرٹ کا متن مختلف فورمز پر شیئر کیا گیا ہے جس کے مطابق ایک افغان قاتل کو عمران خان کو نشانہ بنانے کی ذمہ داری سونپی گئی ہے جبکہ قاتل نے ذمہ داری تمام متعلقہ اداروں کے سپرد کی تھی۔ تھریٹ الرٹ کے پیش نظر سابق وزیراعظم کی سیکیورٹی کے لیے تمام ممکنہ اقدامات کرنے کی ہدایت کی گئی ہے۔
