بین الاقوامی مالیاتی فنڈ (آئی ایم ایف) نے کہا ہے کہ ابتدائی جائزے کے مطابق پاکستان کے وفاقی بجٹ کو مستحکم کرنے اور اسے آئی ایم ایف پروگرام کے اہم مقاصد کے مطابق لانے کے لیے اضافی اقدامات کی ضرورت ہوگی۔
پاکستان میں انٹرنیشنل مانیٹری فنڈ (آئی ایم ایف) کی ترجمان ایستھر پیریز نے جیو نیوز کو بتایا کہ وہ قومی اسمبلی میں پیش کیے جانے والے وفاقی بجٹ کو دیکھ رہی ہیں اور کچھ ٹیرف اور اخراجات کی وضاحت کے لیے حکام سے بات کر رہی ہیں۔
آئی ایم ایف کے ترجمان نے کہا کہ ابتدائی جائزے میں تجویز کیا گیا ہے کہ بجٹ کو مستحکم کرنے کے لیے مزید اقدامات کی ضرورت ہوگی، انہوں نے مزید کہا کہ بجٹ کو آئی ایم ایف پروگرام کے اہم مقاصد کے مطابق لانے کے لیے اضافی اقدامات کرنے ہوں گے۔
آئی ایم ایف کے ترجمان نے کہا کہ فنڈ کا عملہ اس سلسلے میں حکام کی کوششوں اور عمومی طور پر میکرو اکنامک استحکام کو فروغ دینے کی پالیسیوں کے نفاذ میں مدد کے لیے تیار ہے۔
