ishtiaq ahmed 
642
پاکستان میں امریکی سفیر ڈونلڈ بلوم نے کہا ہے کہ پاکستان کے ساتھ تعلقات کو آگے بڑھانا اب بھی ہماری ترجیح ہے۔
پاکستان میں امریکی سفیر ڈونلڈ بلوم نے ایک وفد کے ہمراہ پاکستان اسٹاک ایکسچینج کا دورہ کیا اور روایتی گھنٹی بجا کر کاروبار کا آغاز کیا۔
اس موقع پر امریکی سفیر کا کہنا تھا کہ اسٹاک مارکیٹ دیکھ کر خوشی ہوئی جو کہ پہلی بار اچھا احساس ہے۔
انہوں نے کہا کہ رواں سال پاک امریکہ تعلقات کے 75 سال مکمل ہو رہے ہیں۔
بلوم نے کہا کہ ہم اسٹاک ایکسچینج میں امریکی سرمایہ کاری کو سراہتے ہیں، امریکی کمپنیاں بہترین مصنوعات تیار کر رہی ہیں اور ہم چاہتے ہیں کہ مزید امریکی کمپنیاں پاکستان آئیں۔
امریکی سفیر کا مزید کہنا تھا کہ پاکستان کے ساتھ اچھے تجارتی تعلقات کو بہتر بنانے کے لیے اقدامات کرنا ہوں گے۔
