اردو ورلڈ کینیڈا (ویب نیوز) وزیر خزانہ مفتاح اسماعیل کا کہنا ہے کہ یکم جولائی سے پیٹرول کی قیمتوں میں مزید اضافہ ہوگا۔
نجی ٹی وی سے گفتگو کرتے ہوئے انہوں نے کہا کہ پٹرولیم مصنوعات پر لیوی عائد کی جائے گی۔
انہوں نے کہا کہ اوگرا کی سمری موصول ہونے کے بعد وزیراعظم حتمی منظوری دیں گے لیکن میں سیلز ٹیکس لگانے کے حق میں نہیں ہوں
اسحاق ڈار کو وزیر خزانہ بنائے جانے کی خبروں پر تبصرہ کرتے ہوئے وزیر خزانہ مفتاح اسماعیل نے کہا کہ انہیں عہدے پر رکھنا یا نہ رکھنا وزیراعظم پر منحصر ہے اگر وہ کام سے مطمئن نہ ہوں تو وزیر کو تبدیل کر سکتے ہیں۔
انہوں نے کہا کہ پاکستان کی سیاست میں ایسا ہوا کرتا تھا۔ وزیر اعظم ان کے ساتھ اگلے کئی دنوں کی پلاننگ کر رہے ہیں لیکن مستقبل کا کوئی نہیں جانتا جو اسد عمر کے ساتھ ہوا۔
وزیر خزانہ نے کہا ہے کہ اسحاق ڈار حکومت کی اقتصادی ٹیم کا حصہ ہیں وہ اسٹیٹ بینک کے انٹرویوز میں بھی پینل میں شامل تھے۔
