اردو ورلڈ کینیڈا ( ویب نیوز ) سوات اور مانسہرہ میں گاڑیاں کھائی میں گرنے سے خواتین سمیت 11 افراد جاں بحق ہوگئے۔

تفصیلات کے مطابق خیبرپختونخوا کے مالاکنڈ ڈویژن کے سیاحتی علاقے میں سیاحوں کی گاڑی کھائی میں گرنے سے 8 افراد جاں بحق اور 7 زخمی ہوگئے۔

واقعے کے بعد ریسکیو 1122 کے رضاکاروں نے لاشوں اور زخمیوں کو مٹہ ہسپتال منتقل کیا جن میں سے 4 کی حالت تشویشناک بتائی جاتی ہے۔
ریسکیو حکام کے مطابق سیاح سوزوکی پک اپ میں مینگورہ سے مالم جبہ تفریح ​​کے لیے جا رہے تھے۔

ادھر مانسہرہ کے تھانہ گڑھی حبیب اللہ میں سوزوکی کھائی میں گرنے سے ایک ہی خاندان کی تین خواتین جاں بحق ہوگئیں۔ جاں بحق ہونے والوں میں حاجی چن زیب کی والدہ، اہلیہ اور بہن شامل ہیں۔ حادثے میں 5 افراد زخمی ہو گئے جنہیں سول ہسپتال گڑھی حبیب اللہ منتقل کر دیا گیا ہے۔