اردوورلڈکینیڈا(ویب نیوز)امریکا اور ایران کے درمیان بڑھتی ہوئی کشیدگی اور آبنائے ہرمز کے ذریعے توانائی کی ترسیل میں خدشات کے باعث عالمی منڈی میں خام تیل کی قیمتوں میں 3 فیصد سے زائد اضافہ ریکارڈ کیا گیا ہے۔

برینٹ خام تیل کی قیمت 2.75 ڈالر یا 3.12 فیصد اضافے کے بعد 90.85 ڈالر فی بیرل تک پہنچ گئی۔اسی طرح ویسٹ ٹیکساس انٹرمیڈیٹ (WTI) خام تیل کی قیمت بھی 2.56 ڈالر یا 3.10 فیصد اضافے کے ساتھ 85.05 ڈالر فی بیرل ہو گئی۔

ماہرین کے مطابق دنیا بھر میں خام تیل اور مائع قدرتی گیس (ایل این جی) کی تقریباً 20 فیصد ترسیل آبنائے ہرمز کے ذریعے ہوتی ہے۔ موجودہ کشیدگی کے باعث توانائی کی سپلائی، بحری جہازوں کی انشورنس لاگت اور عالمی منڈی میں غیر یقینی صورتحال مزید بڑھنے کا خدشہ ظاہر کیا جا رہا ہے۔