اردوورلڈ کینیڈا ( ویب نیوز )سابق وزیر اعظم اور پاکستان مسلم لیگ (ن) کے سربراہ نواز شریف نے کستان تحریک انصاف کے چیئرمین عمران خان کو چور قرار دیتے ہوئے کہا کہ لانگ مارچ فلاپ ہوگا
فیصل واوڈا کی پریس کانفرنس کے بعد لندن میں میڈیا سے گفتگو کرتے ہوئے انہوں نے کہا کہ میرے الفاظ لکھ لیں، لانگ مارچ ناکام ہو جائے گا۔
سابق وزیراعظم نے کہا کہ اب فیصل واوڈا نے بھی کہہ دیا ہے کہ لانگ مارچ خونی ہو گا، انہوں نے مزید کہا کہ پی ٹی آئی چیئرمین عمران خان کوئی انقلاب نہیں لا رہے۔
نواز شریف نے کہا کہ عوام نے عمران خان کا انقلاب اپنی حکومت کے 4 سال میں دیکھ لیا ہے اور وہ صرف اپنا آرمی چیف لگانا چاہتے ہیں لیکن آرمی چیف کسی پارٹی کا نہیں ملک کے ادارے کا سربراہ ہوتا ہے۔
مسلم لیگ (ن) کے قائدنے مزید کہا کہ عمران خان انقلابی نہیں بلکہ جھوٹے ہیں، انہوں نے مزید کہا کہ وہ لوگوں کو چور کہتے ہیں لیکن وہ خود سب سے بڑا چور ہے جس کے پاس غیر ملکی فنڈنگ، توشہ خانہ اور 50 ارب روپے کی ڈکیتی کے ناقابل تردید ثبوت ہیں۔
انہوں نے کہا کہ مجھے بتائیں کہ غیر ملکی فنڈنگ سے بڑی چوری کیا ہے؟
اس موقع پر مسلم لیگ ن کی نائب صدر مریم نواز نے کہا کہ لانگ مارچ کا مقصد پاکستان کو تباہ کرنا اور فتنہ پھیلانا ہے۔ اب انہیں دوسری چیزوں کی ضرورت ہے کیونکہ ان کی سیاست بھی ناکام ہو رہی ہے ۔
