اردو ورلڈ کینیڈا ( ویب نیوز)پٹرول کی قیمت میں اضافے کا امکان ظاہر کیا جارہا ہے پٹرول کی قیمت پر حکومت ٹیکس ایڈجسٹ کر سکتی ہے۔
حکومت کی جانب سے 16 سے 30 نومبر 2022 تک تیل کے صارفین سے مزید ریونیو اکٹھا کرنے کے لیے پیٹرولیم مصنوعات کی قیمتوں میں معمولی اضافے کا امکان ہے۔
پیٹرولیم ڈویژن کے ایک عہدیدار نے بتایا کہ پیٹرولیم مصنوعات کی قیمتوں میں 3 سے 4 روپے فی لیٹر تک اضافہ ہوسکتا ہے۔
انہوں نے مزید کہا کہ حکومت سے توقع کی جا رہی تھی کہ وہ بین الاقوامی مالیاتی فنڈ (آئی ایم ایف) سے وابستگی کے مطابق محصولات کی وصولی میں اضافے کے لیے پیٹرولیم مصنوعات پر ٹیکسوں کو ایڈجسٹ کرے گی۔
اس نے ریونیو کی وصولیوں کو بڑھانے کی کوشش میں پہلے ہی پٹرول اور ہائی اوکٹین بلینڈنگ کمپوننٹ (HOBC) پر پٹرولیم لیوی کو 50 روپے فی لیٹر کر دیا ہے۔
دونوں تیل کی مصنوعات پر پیٹرولیم لیوی ریکارڈ بلندی پر ہے، تاہم پیٹرولیم مصنوعات پر جنرل سیلز ٹیکس کو صفر پر رکھا گیا ہے۔
ان کے علاوہ، قیمتوں پر نظر ثانی کا انحصار HSD پر پیٹرولیم لیوی میں تبدیلی اور پیٹرول اور HSD دونوں پر جنرل سیلز ٹیکس کے نفاذ پر بھی ہے۔
اس سے قبل یکم سے 15 نومبر تک تیل کی قیمتوں میں کوئی تبدیلی نہیں کی گئی تھی۔
