اردو ورلڈ کینیڈا( ویب نیوز ) بولڈر شہر میں مکمل طور پر بند ٹرک کے تالے توڑ کر اس سے پانچ قیمتی پینٹنگزچوری کر لی گئیں، پولیس کی جانب سے ان کی تلاش جاری ہے۔ پینٹنگ کے ان شاہکاروں کی قیمت 4 لاکھ ڈالر تھی جو پاکستانی روپے میں 9کروڑ 12لاکھر روپے بنتی ہے۔
شہری انتظامیہ کے مطابق یہ 14 دسمبر کی شام سے صبح تک چوری کی گئیں۔ ٹرک ڈرائیور اور اس کا معاون عملہ شام کو ایک ہوٹل میں رکا۔ صبح جب وہ ٹرک کے پاس پہنچے تو اس کا مضبوطی سے بند دروازہ اور تالا وغیرہ ٹوٹے ہوئے تھے۔ پتہ چلا کہ اندر رکھی پانچ پینٹنگز کے ساتھ کچھ اوزار بھی غائب ہیں۔
ٹرانسپورٹ کے عملے کے مطابق اس خزانے میں امریکی آرٹسٹ ارنسٹ مارٹن ہیننگز کا مشہور کام ‘لگونا پابلو بھی موجود تھا۔ اس کے علاوہ، جوزف ہنری شارپ کے ‘ویوز آف ٹاؤس پیئبلو میں ایلن ڈی کوننگ، جین فریلیسچر اور اینگر ارونگ کوز کے اہم کام شامل تھے۔ ان تصاویر میں لینڈ اسکیپ پینٹنگ بھی شامل تھی۔ تاہم حکام نے یہ نہیں بتایا کہ یہ قیمتی تصاویر کس میوزیم سے لی گئی ہیں اور کہاں لے جائی جا رہی تھیں۔
