اردو ورلڈ کینیڈا ( ویب نیوز)تحریک انصاف کے رہنما فواد چوہدری کا کہنا ہے کہ وزیراعظم کا اصل اعتماد کا ووٹ تب ہوگا جب صدر پاکستان ایسا کہیں گے۔

وزیر اعظم شہباز شریف نے قومی اسمبلی سے اعتماد کا ووٹ حاصل کر لیا 

ایک بیان میں فواد چوہدری نے کہا کہ اگر وزیر اعظم کو دیے گئے اعتماد کے ووٹ میں منحرف ارکان کے ووٹ شامل ہوں تو حکومت اکثریت کھو چکی ہے کیونکہ وہ ووٹ نہیں دے سکتے۔
انہوں نے کہا کہ وزیراعظم کا اصل اعتماد کا ووٹ تب ہوگا جب صدر پاکستان کہیں گے، اب اعتماد کے ووٹ کی سیاسی حیثیت ہو سکتی ہے، لیکن اس کی کوئی آئینی حیثیت نہیں ہے۔
دوسری جانب پی ٹی آئی رہنما شیریں مزاری نے کہا کہ افسوس کی بات ہے کہ منحرف ارکان کے ووٹ بھی اعتماد کے ووٹ میں شمار کیے گئے کیونکہ بدقسمتی سے اس وقت قانون پر عمل نہیں کیا جا رہا۔