اردود ورلڈ کینیڈا ( ویب نیوز ) ایک امریکی طالب علم کو نہ صرف 125 کالجوں اور یونیورسٹیوں میں داخلے کی پیشکش کی گئی ہے بلکہ اسے مجموعی طور پر 9 ملین ڈالر کی اسکالرشپ کی پیشکش بھی کی گئی ہے، جو کہ ایک نیا ریکارڈ بھی ہے۔

اس سے قبل 2019 میں، لاس اینجلس کے لافائیٹ کے نارمنڈی کورمیئر نے اسکالرشپ میں 8.7 ملین ڈالر کما کر ایک ریکارڈ قائم کیا تھا۔ تاہم، اب نیو اورلینز سے تعلق رکھنے والے ایک نوجوان ڈینس برنیس نے کل 200 یونیورسٹیوں اور کالجوں میں درخواست دی ہے، جن میں سے 125 اداروں نے اسے قبول کر لیا ۔

طالبعلم کو مجموعی طور پر 9 ملین ڈالر کے وظائف ملے ہیں جن کی مالیت پاکستانی کرنسی میں ڈیڑھ ارب روپے۔ تاہم، ڈینس کا خیال ہے کہ وہ 4 مئی تک اپنے کالج کے بارے میں فیصلہ کر لیں گے اور اس وقت تک اسکالرشپ کی رقم ممکنہ طور پر10 ملین ڈالر تک پہنچ جائے گی۔
اس کامیابی کی وجہ ان کا جی پی اے (گریڈ پوائنٹ ایوریج) 4.98 ہے جو ایک غیر معمولی کامیابی ہے۔ اس کے پاس کمپیوٹر سائنس اور فوجداری انصاف میں انڈرگریجویٹ ڈگریاں ہیں۔