123
اردوورلڈکینیڈا( ویب نیوز)پاکستان تحریک انصاف (پی ٹی آئی) سندھ کے صدر اور سابق وفاقی وزیر علی زیدی کو کراچی سے جیکب آباد جیل منتقل کر دیا گیا۔
محکمہ داخلہ سندھ نے 2 روز قبل علی زیدی کے گھر کو سب جیل قرار دیتے ہوئے ان کی خرابی صحت کے باعث ان کے گھر منتقل کردیا تھا۔
اس حوالے سے محکمہ داخلہ سندھ کی جانب سے جاری نوٹیفکیشن میں سابق وفاقی وزیر کو ایم پی او کے تحت جیکب آباد جیل منتقل کرنے کا حکم دیا گیا تھا۔
واضح رہے کہ صرف علی زیدی کو گھر میں نظربندی کی سہولت دی گئی تھی جس پر سندھ حکومت کو تنقید کا سامنا کرنا پڑا تھا۔
دوسری جانب پی ٹی آئی سندھ کے رہنما اور سندھ اسمبلی کے سابق اپوزیشن لیڈر فردوس شمیم نقوی کو کراچی سینٹرل جیل سے سکھر جیل منتقل کردیا گیا ہے۔
محکمہ داخلہ سندھ کی جانب سے جاری نوٹیفکیشن میں فردوس شمیم نقوی کو سکھر جیل منتقل کرنے کی ہدایت کی گئی۔
