اردو ورلڈ کینیڈا ( ویب نیوز )عوامی مسلم لیگ کے سربراہ شیخ رشید نے کہا ہے کہ معاشی، اقتصادی اور سیاسی تباہی کا ملبہ کسی اور پر نہیں موجودہ نااہل حکومت پر گرنا چاہیے۔
سماجی رابطے کی ویب سائٹ ٹوئٹر پر اپنے پیغام میں سابق وزیر داخلہ شیخ رشید نے کہا کہ ان دنوں پریس کانفرنس نہیں بلکہ پریشر کانفرنسز ہیں، دو تین ماہ جیل میں گزارنے سے قیامت نہیں آئے گی، جیل سے رہائی تحریری سیاسی توبہ کی وجہ سے ہوتی ہے۔
جیل سےرہائی تحریری سیاسی توبہ کی مرہون منت ہےساری قوم9مئی کےواقعہ کی مذمت کرتی ہےاورملزموں سےکوئی ہمدردی نہیں رکھتی لیکن چادراورچاردیواری اورخواتین کااحترام ضروری ہےمیرےخیال میں لیول پلائنگ فیلڈ ہوچکاہےاگرنہیں ہواتو15 جون تک ہوجائےگا اب سیلکشن ختم اورالیکشن ہونےچاہیں
— Sheikh Rashid Ahmed (@ShkhRasheed) May 24, 2023
انہوں نے کہا کہ پاکستانی روپیہ ٹوکری کا کیس بن چکا ہے، پتہ نہیں ڈالر کہاں رکے گا، مسئلہ معاشی ہے، مصنوعی بجٹ پیش کرنے کے لیے سازش کے تحت اسے سیاسی بنایا گیا ہے۔
شیخ رشید نے کہا کہ عدلیہ بھی مرعوب اور بے بس ہو گئی تو اللہ ہی ملک کا وارث ہے، پوری قوم 9 مئی کے واقعے کی مذمت کرتی ہے اور ملزمان سے کوئی ہمدردی نہیں، لیکن چادر چار دیواری اور خواتین کی عزت ہونی چاہیے
سابق وزیر داخلہ نے کہا کہ میرے خیال میں لیول پلیئنگ فیلڈ ہو گئی ہے، اگر نہیں ہوئی تو 15 جون تک ہو جائے گی، اب سلیکشن ختم ہو کر الیکشن ہونے چاہئیں۔
ان کا مزید کہنا تھا کہ میں نے کلاشنکوف کے جھوٹے مقدمے میں 7 سال جیل کاٹی، سیریل قتل اور 2 بار خاتم نبوت میں سسرال جا چکا ہوں اور اب دوبارہ جانے کے لیے تیار ہوں، جب تک گرفتار نہیں ہو جاتا روزانہ کی ٹوئٹ جاری رہے گی۔ .
