اردو رلڈ کینیڈا ( ویب نیوز )وزیراعظم شہباز شریف نے کہا ہے کہ تاپی گیس پائپ لائن منصوبہ علاقائی تعاون، ترقی اور خوشحالی کے دور کا آغاز کرے گا۔وزیر اعظم شہباز شریف نے تاپی کے مشترکہ نفاذ کے منصوبے پر دستخط کی تقریب سے خطاب کرتے ہوئے کہا کہ یہ منصوبہ چاروں ممالک کی ترقی اور خطے، پاکستان اور ترکمانستان کے درمیان تعلقات کو وسعت دینے اور مختلف شعبوں میں تعاون بڑھانے کے لیے انتہائی اہمیت کا حامل ہے۔ کے لیے تیار ہیںشہباز شریف نے کہا کہ یہ منصوبہ ٹھوس یقین دہانیوں اور باہمی طور پر طے شدہ شرائط و ضوابط کے ساتھ خطے کو قدرتی گیس کے حصول میں مدد دے گا۔

انہوں نے کہا کہ عالمی صورتحال کے پیش نظر توانائی ایک حقیقی چیلنج بن چکا ہے، پاکستان جیسے ترقی پذیر ملک کے لیے توانائی کے آپشنز تلاش کرنے کے لیے تیز رفتار اقدامات کی ضرورت ہے۔وزیراعظم پاکستان شہباز شریف نے اپنی ٹیم کو ہدایت کی کہ تاپی منصوبے کی منصوبہ بندی اور اس پر عملدرآمد کو تیز کرنے کے لیے ہر ممکن کوشش کی جائے۔

اس موقع پر وزیر مملکت برائے پیٹرولیم مصدق ملک اور ترکمانستان کے وزیر مملکت اور ترکمان گیس کے چیئرمین مسقط بابائیف نے وزیراعظم کی موجودگی میں تاپی معاہدے پر دستخط کیے۔