اردو ورلڈ کینیڈا ( ویب نیوز )پیٹرولیم مصنوعات کی قیمتوں میں 5 سے 10 روپے فی لیٹر تک کمی کا امکان ہے جس کے لیے اوگرا نے حکومت کو سمری ارسال کر دی ہے۔

ذرائع کے مطابق آئل اینڈ گیس ریگولیٹری اتھارٹی نے پیٹرول کی قیمت میں 5 سے 10 روپے فی لیٹر کمی کی تجویز دی ہے، ڈیزل کی قیمت میں بھی 10 روپے فی لیٹر کمی کی جا سکتی ہے۔

دوسری جانب ذرائع کا یہ بھی کہنا ہے کہ پیٹرول اور ڈیزل کی قیمتیں برقرار رہ سکتی ہیں۔

گزشتہ 14 روز میں برینٹ آئل مارکیٹ میں خام تیل کی قیمت 76.95 ڈالر فی بیرل تک پہنچ گئی، پیٹرولیم مصنوعات کی قیمتوں میں بھی گزشتہ ڈیڑھ ماہ سے کمی کی جارہی ہے۔

ذرائع کا کہنا ہے کہ وزیر خزانہ اوگرا کی سفارشات پر وزیراعظم سے مشاورت کریں گے، پیٹرولیم مصنوعات کی قیمتوں سے متعلق حتمی فیصلہ آج کیا جائے گا، آئندہ 15 روز کے لیے پیٹرولیم مصنوعات کی نئی قیمتوں کا اطلاق رات 12 بجے کے بعد ہوگا۔