رات گئے شروع ہونے والی بارش لاہور کے مختلف علاقوں مغل پورہ، مصطفی آباد، نیلہ گونباد، کوئنز روڈ، سمن آباد، راج گڑھ، شاد باغ، جلو پارک، محمود بوٹی، گڑھی شاہو، قلعہ گجر سنگھ میں دیر تک جاری رہی۔ شاہدرہ سمیت دیگر مقامات پر بادل برسے، بارش کے بعد درجہ حرارت 23 ڈگری تک پہنچ گیا۔
بارش کے باعث لاہور کے کئی نشیبی علاقے پانی میں ڈوب گئے ، متعدد علاقوں میں بجلی غائب ہونے سے شہریوں کو مشکلات کا سامنا کرنا پڑا۔
اس کے علاوہ مریدکے، سانگلہ ہل، صفدر آباد، کاہانہ، اوکاڑہ، ننکانہ صاحب، بہاولنگر، گوجرانوالہ، قصور، شیخوپورہ، پتوکی، ساہیوال، کامونکی، میانوالی، منڈی بہاؤالدین، نارووال اور پسرور سمیت پنجاب کے دیگر شہروں میں بارش ہوئی۔ او ر آج بھی موسم ابر آلود رہنے کا امکان ہے