حضرت محمد مصطفیٰ ﷺ کی آمد آمد ہے جب کہ ملک کے مختلف شہروں میں عاشقان رسول نے گھروں اور گلیوں کو برقی قمقموں سے سجا دیا ہے۔

جشن عید میلادالنبی کے سلسلے میں شہر بھر کی مساجد، عمارتوں اور شاہراہوں کو بھی سبز جھنڈیوں اور برقی قمقموں سے سجا دیا گیا ہے۔

عاشقان رسول خانہ کعبہ اور مسجد نبوی کے خوبصورت ماڈل بنا کر  اپنی عقیدت کا اظہار کر رہے ہیں۔

علمائے کرام کا کہنا ہے کہ حضرت محمد مصطفیٰ صلی اللہ علیہ وسلم سے عقیدت و محبت کا تقاضا ہے کہ ان کی سیرت وکردار کا تذکرہ کیا جائے بلکہ ان کی تعلیمات پر عمل پیرا ہو کر ہی انسان دنیا و آخرت میں سرخرو ہو سکتا ہے۔