روسی سفارتخانے کے مطابق صدر پیوٹن نے صدر عارف علوی اور نگران وزیراعظم انور احق کاکڑ کو تعزیتی پیغام بھیجا ہے۔روسی صدر نے کہا کہ مذہبی تقریب پر حملے نے ایک بار پھر دہشت گردی کی بربریت کو اجاگر کیا، مجرموں کو سزا سے نہیں بچنا چاہیے۔انہوں نے کہا کہ روس دہشت گردی کے خلاف پاکستان کے ساتھ تعاون بڑھانے کے لیے تیار ہے۔پیوٹن نے مرنے والوں کے اہل خانہ سے ہمدردی کا اظہار کیا اور زخمیوں کی جلد صحت یابی کی خواہش کی۔واضح رہے کہ گزشتہ روز بلوچستان کے ضلع مستونگ میں مدینہ مسجد کے باہر عید میلادالنبی کے جلوس میں خودکش حملہ ہوا تھا۔خودکش دھماکے میں جاں بحق ہونے والوں کی تعداد 59 ہو گئی ہے۔