امریکی میڈیا رپورٹس کے مطابق تین دہائیوں تک ڈیموکریٹک سینیٹر رہنے والی ڈیان فینسٹائن گزشتہ کئی ماہ سے علیل تھیں اور ان کا انتقال واشنگٹن میں اپنے گھر پر ہوا۔سینیٹر ڈیان فینسٹائن نے تین دہائیوں تک امریکی سینیٹر کے طور پر خدمات انجام دیں اور سینیٹر منتخب ہونے سے قبل سان فرانسسکو کی میئر کے طور پر خدمات انجام دیں۔
ڈیان فینسٹائن نے پہلی بار 1992 کے سینیٹ کے انتخابات میں حصہ لیا اور وہ کیلیفورنیا کی اہم سیاسی شخصیات میں سے ایک تھیں، جنہیں کیلیفورنیا میں ڈیموکریٹس کا چہرہ سمجھا جاتا تھا، اور اس کا اثر کیپٹل ہل پر محسوس کیا گیا ڈیان فینسٹائن کی موت کے بعد، کیلیفورنیا کے ڈیموکریٹک گورنر گیون نیوزوم کو 2025 تک چیمبر میں ڈیموکریٹس کی اکثریت برقرار رکھنے کے لیے ڈیان فینسٹائن ی جگہ پارٹی کے رکن کا انتخاب کرنے کا اختیار دیا گیا ہے۔کیلیفورنیا کے گورنر نے میڈیا میں اعلان کیا ہے کہ اگر ڈیان فینسٹائن اپنی نشست چھوڑتی ہیں تو ان کی جگہ ایک سیاہ فام خاتون کو منتخب کیا جائے گا۔
