سعودی وزارت خارجہ کی جانب سے جاری بیان میں کہا گیا ہے کہ انتہا پسندوں کو قرآن پاک کی بے حرمتی کی اجازت دینا انتہائی افسوسناک ہے۔سعودی عرب نے سویڈن کی حکومت سے مطالبہ کیا ہے کہ وہ ایسے واقعات کو فوری طور پر روکے جو اشتعال انگیزی، نفرت اور تقسیم کا باعث بنتے ہیں۔یاد رہے کہ سویڈن میں حالیہ دنوں میں قرآن پاک کی بے حرمتی کے کئی واقعات پیش آئے ہیں اور بالخصوص اسلامی ممالک اور عالمی برادری نے ان واقعات کی شدید مذمت کرتے ہوئے وہاں بڑھتی ہوئی مذہبی منافرت پر تشویش کا اظہار کیا ہے۔ حکومت ایسے واقعات میں ملوث افراد کے خلاف کارروائی کرنے کے بجائے اظہار رائے کی آزادی کو جواز بناتی رہی ہے۔