میگا ایونٹ میں گرین شرٹس اپنی مہم کا آغاز نسبتاً آسان حریفوں کے خلاف کریں گے، پاکستانی ٹیم میں 6 بلے باز، 2 آل راؤنڈر اور 3 فاسٹ بولرز شامل کیے جانے کا امکان ہے۔حیدر آباد دکن میں ہالینڈ کے خلاف اپنے پہلے میچ کے لیے پاکستانی ٹیم کی تیاریاں بھی مکمل کر لی گئی ہیں، قومی ٹیم نے بھرپور ٹریننگ کی اور ایونٹ کے آغاز کے لیے دو وارم اپ میچز کھیلے۔
ابھی یہ فیصلہ ہونا باقی ہے کہ میچ کے لیے پاکستان کی ممکنہ فائنل الیون میں فخر زمان امام الحق یا عبداللہ شفیق کے ساتھ اننگز کا آغاز کریں گے۔پلیئنگ الیون میں شامل دیگر بلے بازوں میں بابر اعظم، محمد رضوان، سعود شکیل، افتخار احمد شامل ہیں جبکہ سپن کا شعبہ شاداب خان اور محمد نواز سنبھالیں گے اور پیس اٹیک شاہین آفریدی، حارث رؤف اور حسن علی پر مشتمل ہوگا۔پاکستان اور ہالینڈ کے درمیان میچ مقامی وقت کے مطابق دوپہر ڈیڑھ بجے شروع ہوگا۔
