اردو ورلڈ کینیڈا ( ویب نیوز )  سعودی عرب میں خانہ کعبہ کا نیا غلاف تیار کرلیا گیا جسے یکم محرم کو پروقار تقریب میں تبدیل کیا جائے گا۔ کسوہ دراصل عربی زبان کا لفظ ہے، جس کپڑے سے خانہ کعبہ اور باب کعبہ کی دیواروں کو ڈھانپ دیا جاتا ہے اسے ‘کسوہ کہتے ہیں یعنی غلاف کعبہ۔
مکہ مکرمہ کے نائب گورنر شہزادہ سعود بن مشعل بن عبدالعزیز نے خانہ کعبہ کا نیا غلاف کعبہ کے خصوصی محافظ کے حوالے کیا۔اس سلسلے میں ایک خصوصی تقریب کا انعقاد کیا گیا جس میں وزیر حج و عمرہ توفیق الربیعہ اور کعبہ کے نائب چیف متولی عبدالمک بن طحہ الشیبی نے خانہ کعبہ کے حوالے کرنے کی دستاویز پر دستخط کیے۔کئی دہائیوں سے ہر سال ذی الحجہ کے مہینے میں غلاف کعبہ کو تبدیل کیا جاتا ہے، غلاف کعبہ کی تیاری کے لیے سیکڑوں کلو گرام ریشم، چاندی اور سونے کے دھاگے استعمال کیے جاتے ہیں۔