اردو ورلڈ کینیڈا ( ویب نیوز امریکا نے بھارتی وزیراعظم نریندر مودی کی روسی صدر ولادی میر پیوٹن سے گرمجوشی سے ملاقات پر برہمی کا اظہار کیا ہے۔امریکی اخبار کی رپورٹ کے مطابق جو بائیڈن انتظامیہ نے نیٹو اجلاس کے موقع پر روسی صدر پیوٹن سے بھارتی وزیراعظم نریندر مودی کی گرمجوشی سے ملاقات پر برہمی کا اظہار کیا ہے۔رپورٹ میں مزید کہا گیا ہے کہ امریکی حکومت کے اعلیٰ حکام بھارتی وزیراعظم کی جانب سے روس کو اپنا قریبی اتحادی اور روسی صدر کو اپنا دوست کہنے اور گرمجوشی سے گلے ملنے پر ناراض ہیں۔
انہوں نے وزیر اعظم نریندر مودی کے دورہ روس پر بھی شدید تحفظات کا اظہار کیا ہے۔رپورٹ کے مطابق امریکی نائب وزیر خارجہ کرٹ کیمبل نے جولائی کے آغاز میں بھارتی وزیر خارجہ سے بات کی تھی اور درخواست کی تھی کہ وزیراعظم نریندر مودی کا دورہ روس نیٹو اجلاس کے بعد منعقد کیا جائے۔ دورہ یوکرین جنگ کے بعد سے امریکہ اور روس کے درمیان تعلقات کشیدہ ہیں۔
