اردو ورلڈ کینیڈا ( ویب نیوز ) چاقو مارنے کا واقعہ ایک بازار میں پیش آیا جہاں اسٹیج پر میوزک چل رہا تھا اور بہت سے لوگ جمع تھے۔ جرمنی کے شہر سولنگن میں ایک تہوار کے دوران چاقو بردار شخص کے حملے میں تین افراد ہلاک اور متعدد زخمی ہو گئے۔حکام کے مطابق چاقو حملے کے واقعے میں 3 افراد ہلاک ہو گئے ہیں جب کہ زخمیوں میں سے 9 کی حالت تشویشناک ہے۔جرمنی کے مغرب میں واقع شہر سولنگن کی 650 ویں سالگرہ کے سلسلے میں یہ میلہ اتوار تک جاری رہنا تھا تاہم چھرا گھونپنے کے واقعے کے بعد علاقے کو خالی کرا لیا گیا۔
ڈیڑھ ملین کی آبادی والا یہ چھوٹا شہر سولنگن، کولون اور ڈسلڈورف کے قریب واقع ہے۔مقامی پولیس کا کہنا ہے کہ واقعہ مقامی وقت کے مطابق رات 10 بجے پیش آیا، ملزمان حملے کے بعد فرار ہوگئے اور تاحال گرفتار نہیں ہوسکے۔ ملزمان کی تلاش کے لیے تمام وسائل بروئے کار لائے جا رہے ہیں۔میلے میں چھرا گھونپنے کے اس واقعے کو جرمن پولیس نے دہشت گردانہ حملہ قرار دیا ہے۔
