ishtiaq ahmed 
اردوورلڈ کینیڈا ( ویب نیوز ) بارش ،لئی کی سطح بلند ،راولپنڈی اور اسلام آباد کے کئی علاقے زیر آب ۔ جڑواں شہروں میں موسلادھار بارش کے باعث کئی علاقے پانی میں ڈوب گئے۔ 4 بچوں کو بچا لیا گیا۔
اسلام آباد میں تیز بارش نے مختلف شاہراہوں، ایچ 13 سیکٹر اور ترنول سمیت دیگر نشیبی علاقوں کو اپنی لپیٹ میں لے لیا۔ بارش کا پانی گلیوں اور گھروں میں داخل ہوگیا۔ ۔ ٹریفک کی روانی شدید متاثر ہوئی
ڈھوک کالا خان، شاہ خالد کالونی اور دیگر دور دراز علاقوں میں بارش کا پانی جمع ہوگیا۔ نالہ لئی میں بھی پانی کی سطح بلند ہو گئی، واسا کا عملہ متحرک ہو گیا۔
ایم ڈی واسا نے بتایا کہ جڑواں شہروں میں 60 ملی میٹر بارش ریکارڈ کی گئی ہے۔ نالہ لئی میں کٹاریا ںکے مقام پر پانی کا بہائو 12 فٹ جبکہ گوالمنڈی پل پر 9 فٹ ہے۔ شہر کے نشیبی علاقوں میں بھاری مشینری پہنچا دی گئی ہے ۔ محکمہ موسمیات نے آئندہ 24 گھنٹوں میں مزید بارش کی پیشگوئی کی ہے۔
