87
اردو ورلڈ کینیڈا ( ویب نیوز )بلاول کو وزیراعظم بنتا دیکھنا چاہتا ہوں پیپلز پارٹی کے شریک چیئرمین آصف علی زرداری نے کہا ہے کہ وہ بلاول کو اپنی زندگی میں وزیراعظم بنتا دیکھنا چاہتے ہیں۔
نوابشاہ میں پارٹی کارکنوں اور عہدیداروں سے ملاقات کے دوران انہوں نے کہا کہ کارکن میرے دست و بازو ہیں، مجھے اپنے کارکنوں پر فخر ہے، میں اب پنجاب جا رہا ہوں۔
ان کا مزید کہنا تھا کہ جس طرح سندھ میں پارٹی مضبوط ہے اسی طرح پنجاب میں بھی پارٹی مضبوط ہے۔ اب میں لاہور کو اپنا ہیڈ کوارٹر بناؤں گا اور پنجاب میں پارٹی کو سندھ کی طرح فعال اور مضبوط بناؤں گا۔
آصف علی زرداری نے کہا کہ جب ہماری لاش لحد میں اتاری جائے گی تو ہمارا کفن پارٹی پرچم ہوگا۔
