اردوورلڈ کینیڈا (ویب نیوز )پاکستان تحریک انصاف کے چیئرمین عمران خان عسکری تنظیموں کے خلاف بیان دینے کے کیس میں پیشی کے لیے آج اسلام آباد روانہ ہوگئے۔
عمران خان کی جانب سے اسلام آباد ہائی کورٹ میں درخواست ضمانت دائر کی جائے گی، درخواست کی سماعت آج کے لیے مقرر کرنے کی استدعا کی جائے گی۔
عمران خان کا قافلہ زمان پارک سے اسلام آباد کے لیے روانہ ہوا۔
یاد رہے کہ عمران خان کے خلاف عسکری اداروں کے خلاف بات کرنے کا مقدمہ 7 اپریل کو تھانہ رمنا میں مجسٹریٹ منظور احمد کی مدعیت میں درج کیا گیا تھا۔
عمران خان کا قافلہ زمان پارک سے اسلام آباد کے لئے روانہ۔۔۔ pic.twitter.com/Gy30ucWEMf
— PTI (@PTIofficial) April 28, 2023
پولیس ترجمان کا کہنا ہے کہ اسلام آباد پولیس عمران خان کی پیشی پر سیکیورٹی کے موثر اقدامات کرے گی، امید ہے عمران خان اور ان کے ساتھی پیشی کے دوران قانون کا احترام کریں گے۔
ترجمان پولیس کا کہنا تھا کہ مقدمات کا فیصلہ عدالتوں کو قانون کے مطابق کرنا ہے، مقدمات کی نظر میں سب برابر ہیں، کسی کی بھی امتیازی حیثیت نہیں ہے۔
