اردوورلڈ کینیڈا( ویب نیوز)بلوچستان کے ضلع مستونگ میں ریموٹ کنٹرول بم دھماکے میں بلوچستان کانسٹیبلری کے تین اہلکار شہید اور 19 زخمی ہو گئے۔

رپورٹ کے مطابق سیکیورٹی ذرائع کا کہنا ہے کہ ریموٹ کنٹرول بم دھماکہ دشت روڈ پر کھنڈ محسوری کے قریب ہوا۔.پولیس حکام نے بتایا کہ دھماکہ موٹرسائیکل میں نصب ریموٹ کنٹرول دھماکہ خیز ڈیوائس کی وجہ سے ہوا۔
دھماکہ اس وقت ہوا جب بلوچستان کانسٹیبلری کے اہلکار ڈیوٹی سے واپس آرہے تھے۔
ولیس حکام کے مطابق دھماکے کی اطلاع ملنے پر سکیورٹی فورسز کے اہلکار جائے وقوعہ پر پہنچ گئے، علاقے کو گھیرے میں لے کر تلاشی مہم شروع کر دی۔
پولیس حکام نے بتایا کہ بم دھماکے کے نتیجے میں 3 اہلکار شہید اور 19 زخمی ہوئے۔ شہید اہلکاروں کی لاشوں کو پوسٹ مارٹم اور زخمی اہلکاروں کی طبی امداد کے لیے ہسپتال منتقل کیا گیا۔.