ishtiaq ahmed 
70
اردو ورولڈ کینیڈا ( ویب نیوز )سندھ میں بلدیاتی انتخابات روکنے کی ایم کیو ایم کی درخواست عدالت عظمیٰ کی طرف سےمسترد کردی گئی
سپریم کورٹ میں چیف جسٹس پاکستان کی سربراہی میں دو رکنی بینچ نے سندھ میں بلدیاتی انتخابات کے معاملے پر ایم کیو ایم کی درخواست کی سماعت کی۔
سماعت کے دوران ایم کیو ایم کے وکیل فروغ نسیم نے کہا کہ اس معاملے پر وفاقی حکومت کو بھی جواب جمع کرانے کا حکم دیا جائے، جس پر چیف جسٹس نے کہا کہ وفاقی حکومت چاہے تو جواب جمع کرائے۔
عدالت نے سندھ حکومت سے تحریری جواب طلب کرلیا، جس پر ایڈووکیٹ جنرل نے استدعا کی کہ سندھ حکومت کو تحریری جواب جمع کرانے کے لیے 2 ہفتے کا وقت دیا جائے۔
عدالت نے سندھ حکومت کو دو ہفتے کا وقت دینے سے انکار کرتے ہوئے 4 اگست تک جواب جمع کرانے کا حکم دیا۔
