اردو ورلڈ کینیڈا ( ویب نیوز )مسلم لیگ ن کی جانب سے پنجاب اسمبلی کے الیکشن کو لاہور ہائیکورٹ میں چیلنج کر دیا گیا ہے جس میں نومنتخب سپیکر سبطین خان اور دیگر کو فریق بنایا گیا ہے۔

منصور عثمان کی جانب سے دائر درخواست میں ن لیگ نے موقف اختیار کیا کہ پنجاب اسمبلی کے اسپیکر کے انتخاب میں قانونی تقاضے پورے نہیں کیے گئے۔ یہ قانون کی خلاف ورزی ہے۔

ن لیگ نے اپنی درخواست میں پنجاب اسمبلی کے سپیکر کے انتخاب کو کالعدم قرار دینے اور دوبارہ الیکشن کرانے کا حکم دینے کی استدعا کی ہے۔
گزشتہ روز پنجاب اسمبلی میں سپیکر کے انتخاب کے دوران تحریک انصاف کے سبطین خان سپیکر منتخب ہوگئے تھے جبکہ ڈپٹی سپیکر کے لئے انتخاب اتوار کو ہوگا
تحریک انصاف کے سبطین خان 186ووٹ لیکر سپیکر منتخب ہوئے ہیں